زامان اوتر کن نیه قوجالمیر

دهشتلی آجیلار نیه قوتارمیر

گونو گوندن ده بوی آتیر کدر

ارتاجاق ظلمتلر او زامان قدر

دنیا بوتون گرچکلری اولدوروب

خزانیله باغچالاری سوندوروب

قارانلیق زامانین اوز آنا سیدی

آتاسی تک یوخ بل آتاسیدی

چوخ سواری آتدان یره یندیریب

چوخ پیاده دوه لره میندریب

قانانا قامازدیر دیر بیرلیغی ظالم

دهشتی سوندی همیشه حاکم

ظلمتدن یارانیب زامان ازلدن

کدر زاماناندی زامان کدردن

داغ یندریب دره لری دولدوروب

ایگیتلرین جان چراغین سوندوروب

حقیقتلر زامان بویو ضای اولوب

دنیا بوی آجی منه پای اولوپ

راضینی قوجالدیب او قدار زامان

اروگی یارالیدیر گوزلری گریان

گولور آجیلارا  ظاهرده  هر آن

نفرتدن پارتلیر ی ائیلمیر عیان

سنده مدد اول قادر سبحان

صبریم توکنیب داشماسین بیرآن

منده آهو بالاسی

آقا جان بارگه زرنگارین هامیا دار شفادی

سسلیه کیمسه آدین بیلیر او درده دوادی

اشیقین لطف ائلیب سایه سالیبدیر گونشه 

رخصت سیز اگر چیخسا گویه کارخطادی

منده آهو بالاسی اول منه ضامن رضا جان

بیلیرم فاصله سی اونلا منیم ارض و سمادی

منه بل باغلامیسان اولاکی سیندرام عهدیم

منده عاشق ! آخی عاشقلرین بحثی جدادی

 غبار بارگهیندن اذن ور سرمه چکیم گوزلریمه

یا غریب الغربا نظر اتسن من اوچون لطف خدادی

هر کیمسه سن عاشق اولا عشقده دیوانه اولور

عاشق و دیوانه اگر مجرم اولاحکم خدا نه روادی

اذن ورسن گلرم درگهین نوکر اولوم نوکرین

نوکر اولماخ نوکرن رضا جان چوخلی همادی

راضینی عشق رضا هر ایکی عالمده گورر

کرمی حدسیز حسابسیز نیه کی کان سخادی

به مناسبت میلاد ژر برکت امام رضا (ع)

صحنه واقعی یک تصادف

ادامه مطلب